Aiskrimu

Ladha Moja kwa Maisha

"Nitaoa Kerubo," kijana akamwambia baba yake.

"Hiyo ni ajabu, mwanangu. Twende tukale aiskrimu."

Walitembea hadi kwenye duka jipya la aiskrimu lililokuwa limefunguliwa kijijini. Kila mtu alizungumzia ladha zao za kipekee—nazi na maembe, mdalasini na ndizi…. Orodha iliendelea na kuendelea.

Walipokaribia duka la aiskrimu, macho ya baba na mwana yalitanuka. Mapigo ya mioyo yao yakaongezeka kasi.

"Basi, mwanangu," baba akasema, "unataka ladha gani? Nitakulipia. Lakini unaweza kuchagua ladha moja tu."

"Ladha moja tu?" mwana akashangaa. "Hapa panajulikana kwa kuwa na ladha zote tamu zaidi."

Baba akaweka mkono wake begani mwa mwanawe.

"Mwanangu, unapooa, unafanya uchaguzi wa kuwa na mwanamke mmoja tu kwa maisha yako yote."

"Lakini hiyo ina uhusiano gani na aiskrimu, Baba?"

"Ladha moja, mwanangu. Hiyo ndiyo tu unayoweza kuwa nayo.

Najua ni uamuzi mkubwa, mwanangu. Unahitaji kuwa na uhakika kwamba uko tayari kwa hilo."

Mwana akatazama kwa makini ladha zote zilizovutia zaidi.

"Strawberry," akajibu.

"Daima imekuwa ndiyo nipendayo zaidi, na daima itakuwa hivyo. Kama vile Kerubo."

Baba yake akatabasamu.

"Huenda ukawa tayari, mwanangu."

Akamgeukia muuza duka.

"Strawberry mbili, tafadhali."

A story by Pemba Umoja