Siafu Mwanafalsafa

Uzito wa Fikra

Siafu mkubwa mwekundu alikitazama kikosi chao. Walikuwa wamepata kimbilio chini ya gogo la msituni.

Alimsemesha naibu wake.

"Tunatumia muda mwingi sana tukitamani, tukitaka, tukilalamika, tukijuta, tukihangaika, hadi tunasahau kuishi, kufurahia maisha ya sasa.

"Daima tunawakumbuka siafu waliopita na nyakati za kale, au tunatazama mbele.

"Kukoje kwako, kwangu, kuwa hai ndani ya wakati huu?"

Yule naibu alitazama juu, mgongo wake ukielemewa na mbegu kubwa ajabu.

"Nzito," alipaza sauti. "Yote hayo ni rahisi kwako kusema. Wewe hubebi tena mizigo hii. Wewe husimamia na kufalsafa tu."

Yule siafu mwekundu alivuta harufu ya msunobari wa msituni.

"Kubeba mizigo ni kugumu. Nilibeba mingi ujana wangu.

"Lakini kubeba fikra ndio mzigo mkuu kuliko yote.

"Kadiri unavyotamani kuutua mzigo huo kutoka mgongoni mwako, ni fikra utakazoziachilia ndizo zitakazokufanya uwe mwepesi."

A story by Pemba Umoja