Wewe Ni Mlima Wangu

Unapendwa ukiwa mbali, umebebwa katika ndoto

Ninakupenda
kama vile ninavyopenda milima
kwenye upeo wa mbali

Siwezi kuishi juu yake
Lakini ninaweza kuipenda nikiwa mbali

Naweza kuigusa kwa muda mfupi tu
lakini siwezi kupumzika nayo milele

Huo ndio umilele wetu
Kuheshimiwa kutoka mbali
Kukumbuka kukumbatiana

Kuishi katika kumbukumbu tulizowahi kushiriki

Siwezi kukuchukua nyumbani. Wala wewe mimi. Kama vile siwezi kuchukua mlima nyumbani

Labda wewe ni mkubwa sana kwa moyo wangu. Mkubwa mno kwa utaratibu wa maisha yangu

Wewe ni mlima unaoonekana tu juu ya mawingu. Katika ndoto na ukungu

Mwenye nguvu kiasi hiki kwenye moyo wangu

Ningeweza kuganda.
Viungo vingeweza kuanguka.
Ningeweza kutumbukia kwenye vilindi vilivyoganda

Kama ningekufa kwenye miteremko yako, nikiota moyo wako wenye joto, tabasamu lako la upole, kicheko chako cha utukutu

Labda furaha yangu, nyakati zetu, zingeganda katika umilele

Ninaomboleza maisha ya mlimani yaliyotarajiwa
Ambayao sitawahi kujua

Wewe ni mlima wangu
Mkubwa sana kwa maisha yangu

Lakini sitaacha kamwe kutazama upeo wa macho
Kwenye vilele
Vilivyo mbali sana na uwezo wangu

Mlima ule
ni wewe

A poem by Pemba Umoja