Tembea Nami
Wito kwa marafiki wa zamani
Njia imekuwa ndefu
nami nimechoka.
Marafiki wa enzi
wamerudi vivulini
kama chui wanaochungulia
kutoka tundu jeusi.
Ninasafiri peke yangu
njia yenye matuta
kwa miguu iliyokonda
kwa uchovu.
Njoo utembee nami
tena, rafiki wa zamani.
Tumezeeka
na kuchoka,
lakini njia
bado ndefu
na tukufu.
Njoo utembee
nami, rafiki yangu.
Tembea nami
tena mara nyingine.
Shairi na Pemba Umoja