Mtu Asiyeonekana

Wakati mwingine naweza kuteleza

nyuma ya upepo mwanana

kuingia katika ombwe la ajabu

na nisiweze kuonekana.

Naweza kutembea au kuketi

mahali penye umati wa watu

kama uwanja wa michezo uliojaa watoto,

na nisiweze kuonekana.

Watoto hunizunguka kwa kasi

wakiwa wameacha vinywa wazi, wakicheka, na kuchekacheka.

Macho yao hucheza kutoka hapa na pale,

lakini kamwe hayanitupii mitazamo yao inayometameta.

Mimi huwachungulia tu

kutoka ukingoni mwa upepo mwanana,

nimefichwa nyuma ya mikunjo

ya umilele usiotambulika.